قائداعظم ٹرافی: کرکٹرنبی گل کے نامناسب رویے پر تین میچز کھیلنے پر پابندی
لاہور:(ویب ڈیسک) قائداعظم ٹرافی کے دوران پشاور ریجن کے کھلاڑی نبی گل کو نامناسب رویے پر تین میچز کی پابندی کا سامنا کرنا پڑ گیاہے ۔
پی سی بی ذرائع کے مطابق قائداعظم ٹرافی کے فائنل میچ میں گیند زمین پر لگنے کے باوجود کیچ آؤٹ کی اپیل کرنے پر آن فیلڈ ایمپائر نے تھرڈ ایمپائر کے ساتھ مشاورت کے بعد پابندی لگانے کا فیصلہ کیا ۔
ذرائع نے مزید بتایا کہ نبی گل نے پی سی بی کوڈ آف کنڈکٹ کے آرٹیکل 2.5 کی خلاف ورزی کی جس پر انہیں تین میچز کی پابندی کا سامنا کرنا پڑ رہا ہے ۔
