نیوز الرٹ
  • بریکنگ :- 24 گھنٹےمیں کوروناکےمزید 7586 کیس رپورٹ،این سی اوسی
  • بریکنگ :- ملک بھرمیں کوروناسےجاں بحق افرادکی تعداد 29 ہزار 97 ہوگئی
  • بریکنگ :- 24 گھنٹےمیں کوروناکے 647 مریض صحت یاب،این سی اوسی
  • بریکنگ :- کوروناسےصحت یاب افرادکی مجموعی تعداد 12 لاکھ 68 ہزار 245 ہوگئی
  • بریکنگ :- ملک بھرمیں کورونامریضوں کی تعداد 13لاکھ 67 ہزار 605 ہوگئی
  • بریکنگ :- ملک میں کوروناکےایکٹوکیسزکی تعداد 70 ہزار 263 ہوگئی،این سی اوسی
  • بریکنگ :- ملک بھرمیں 24 گھنٹےکےدوران کوروناسےمزید 20 اموات
  • بریکنگ :- 24 گھنٹےکےدوران 58 ہزار 334 کوروناٹیسٹ کیےگئے
  • بریکنگ :- ملک بھرمیں 2 کروڑ 45 لاکھ 32 ہزار 952 کوروناٹیسٹ کیےجاچکے
  • بریکنگ :- کوروناسےمتاثر 1083 مریضوں کی حالت تشویشناک،این سی اوسی
  • بریکنگ :- پنجاب 4 لاکھ 62 ہزار 323،سندھ میں 5 لاکھ 23 ہزار 774 کیسز
  • بریکنگ :- خیبرپختونخواایک لاکھ 84 ہزار 455،بلوچستان میں 33 ہزار 910 کیس رپورٹ
  • بریکنگ :- اسلام آبادایک لاکھ 17 ہزار 436،گلگت بلتستان میں 10 ہزار 489 کیسز
  • بریکنگ :- آزادکشمیرمیں کورونامریضوں کی تعداد 35 ہزار 218 ہوگئی،این سی اوسی
  • بریکنگ :- ملک میں کورونامثبت کیسزکی شرح 13 فیصدرہی،این سی اوسی
Coronavirus Updates

سیالکوٹ واقعہ:شوبز شخصیات کا دکھ اور افسوس کا اظہار

تفریح

لاہور:(ویب ڈیسک)سیالکوٹ میں افسوسناک واقعہ سامنے آیا ہے، مبینہ توہین مذہب پر فیکٹری ملازمین نے تشدد کر کے سری لنکن منیجر کو قتل کر دیا اور لاش کو جلا دیا۔اس افسوسناک واقعے پر جہاں صدر، وزیراعظم، آرمی چیف، وزیراعلیٰ پنجاب و دیگر سیاسی رہنماؤں نے افسوس کا اظہار کیا وہیں شوبز شخصیات بھی شدید مذمت کے ساتھ دکھ کا اظہار کرتی دکھائی دیں۔

اداکارہ ماہرہ خان نے اس دلخراش واقعے پر سماجی رابطے کی ویب سائٹ ٹوئٹر پر پیغام جاری کرتے ہوئے لکھا کہ سیالکوٹ واقعہ ہم سب کے لیے شرم کا مقام ہے، ساتھ ہی انہوں نے عمران خان کو مینشن کرتے ہوئے لکھا کہ قوم ان کی جانب دیکھ رہی ہے اور ان سے ہی سوالوں کے جواب مانگ رہی ہے۔

صدارتی ایوارڈ یافتہ اداکارہ مہوش حیات بھی اس واقعے پر دکھی دکھائی دیں اور لکھا کہ میرے پاس بیان کرنے کے الفاظ نہیں ہیں،بحیثیت قوم ہمارے سر شرم سے جھک گئے ہیں، کیا ہم واقعی ایک ایسے ملک میں رہنا چاہتے ہیں جہاں ہجوم کی حکمرانی معمول ہے اور ان کو پوچھنے والا کوئی نہیں ہے؟ ساتھ ہی انہوں نے وزیراعظم عمران خان کو مینشن کیا اور کہا کہ ہم اس واقعے کے ذمہ داروں کے خلاف فوری کارروائی کے لئے وزیراعظم کی طرف دیکھ رہے ہیں۔

اداکارہ ارمینا خان نے لکھا کہ میں نے کبھی بھی کسی انسان کے لئے ایسا نہیں چاہا مگر آج میں یہ دعا کرتی ہوں کہ اس واقعے کے ذمہ داروں کو دنیا و آخرت میں کبھی سکون نہ ملے۔

سماجی کارکن اور ٹی وی میزبان منیہ مزاری نے دکھی دل کے ساتھ پیغام جاری کیا کہ وہ معاشرہ جہاں تشدد اور خاموشی ہو وہاں انسانیت ناکام ہو جاتی ہے۔

اداکار و ماڈل عدنان ملک نے بھی واقعے پر اظہار افسوس کرتے ہوئے اسے باعث شرم قرار دیا۔

فاطمہ بھٹو نے بھی واقعے پر اظہار افسوس کرتے ہوئے حکومت کی خودمختاری پر بھی سوال اٹھایا۔انہوں نے ٹوئٹ کی کہ سیالکوٹ واقعہ انتہائی خوفناک ہے اور ہجوم میں شریک ہر ایک شخص پر قتل کا مقدمہ ہونا چاہیے۔

Advertisement
روزنامہ دنیا ایپ انسٹال کریں