نیلم منیر پیا گھر سدھار گئیں، جیون ساتھی کیساتھ تصاویر وائرل
لاہور: (ویب ڈیسک) پاکستان شوبز انڈسٹری کی معروف اداکارہ نیلم منیر پیا گھر سدھار گئیں، جیون ساتھی کے ساتھ شادی کی تصاویر سامنے آگئیں۔
نیلم منیر کی شادی کی تصاویر آفیشل فوٹو گرافر نے اپنے انسٹا گرام اکاؤنٹ پر شیئر کی ہیں جس میں ان کا کہنا تھا کہ نئے سال کے آغاز پر اپنی زندگی کا نیا سفر شروع کررہے ہیں، انہیں اپنی دعاؤں میں یاد رکھیں۔
فوٹوز اینڈ ویڈیوز شیئرنگ ایپ انسٹاگرام پر شیئر کی گئی تصاویر میں نیلم کا جیون ساتھی روایتی عربی لباس "جبہ" میں ملبوس ہے تاہم اداکارہ نے اپنے ساتھی کا نام ظاہر نہیں کیا۔
دبئی کے برج خلیفہ کے قریب شوٹ کی گئیں تصاویر میں نیلم منیر کو چمکدار سفید لباس اور جالی دار دوپٹے کے ساتھ دیکھا جا سکتا ہے، ایک تصویر میں نیلم اپنے ساتھی کے ساتھ خوشی کے جذبات کے ساتھ نظر آ رہی ہیں۔
خیال رہے کہ گزشتہ روز نیلم منیر نے اپنی شادی کی تقریبات شروع کرنے سے متعلق بتاتے ہوئے اپنی "مایوں" کی رات کی تصاویر شیئر کیں، ان تصاویر میں نیلم زرد رنگ کی فراک پہنی ہوئی تھی۔
نیلم منیر کی تصاویر کو مداحوں کی جانب سے خوب پسند کیا جارہا ہے اور لوگ ان کی خوشیوں سے بھری شادی شدہ زندگی کے لیے نیک تمناؤں کا اظہار بھی کر رہے ہیں۔
