پاکستان کرکٹ بورڈ کا ٹی ٹوئنٹی ورلڈکپ کیلئے خصوصی ترانہ ریلیز
لاہور:(دنیا نیوز) پاکستان کرکٹ بورڈ (پی سی بی) نے ٹی ٹوئنٹی ورلڈکپ کیلئے خصوصی ترانہ ریلیز کردیا۔
ٹی ٹوئنٹی ورلڈکپ 2024 میں پاکستانی ٹیم کا حوصلہ بڑھانے کیلئے پی سی بی نے ترانا ’ساڈی واری اوئے‘ ریلیز کیا، جسے علی عظمت، عارف لوہار اور نہال نسیم نے گایا ہے۔
ترانہ پاکستانی شائقین کے جذبے اور امنگوں کے مطابق ترتیب دیا گیا ہے جو ہر مشکل وقت میں ٹیم ساتھ کھڑے رہے جبکہ ٹیم کو کامیابی سے ہمکنار ہوتا دیکھنا چاہتے ہیں تاکہ وہ بھی جیت کا جشن منائیں۔
واضح رہے کہ سال 2022 ٹی ٹوئنٹی ورلڈکپ کے بعد قومی ٹیم بمشکل آئرلینڈ کے خلاف سیریز جیتنے میں کامیاب ہوئی تھی، جس میں پاکستان نے 2-1 سے برتری حاصل کی تھی۔
