اسرائیل کی سربراہ حماس یحییٰ السنوار کو بھائی سمیت قتل کرنے کی دھمکی
تل ابیب: (ویب ڈیسک) اسرائیل نے دھمکی دی ہے کہ ہماری فوج کسی بھی وقت حماس کے نئے سربراہ یحیٰی السنوار کو ان کے ایک بھائی سمیت وسطی غزہ کی پٹی میں قتل کردے گی۔
اسرائیلی وزیر دفاع یاہو گیلنٹ نے آج غزہ میں نیٹزارم کوریڈور کے دورے کے دوران کہا ہے کہ جلد یحییٰ السنوار اور محمد السنوار تک پہنچ جائیں گے اور انہیں قتل کر دیں گے، ہم اپنا مشن ہر صورت پورا کریں گے، ہماری پہنچ سے کوئی دور نہیں۔
اسرائیلی دفاع نے کہا کہ جو کوئی خود کو ہم سے محفوظ سمجھتا ہے تو وہ مروان عیسیٰ اور محمد دیف کا انجام دیکھ لے۔ ان دونوں نے بھی یہ سوچا تھا کہ وہ بچ جائیں گے لیکن وہ آج دنیا میں موجود نہیں ہیں۔
وزیر دفاع نے مزید کہا کہ ان دونوں نے ایک غلطی کی تھی اور اپنی غلطی کی وجہ سے ہمارے گرفت میں آئے تھے اور اب حماس سربراہ یحییٰ السنوار بھی کوئی نہ کوئی غلطی کریں گے جس سے وہ ہماری رینج میں آجائیں گے۔
