گوجرانوالہ میں نئی نویلی دلہن گھر کا صفایا کر گئی
گوجرانوالہ: (دنیا نیوز) تھانہ گرجاکھ کے علاقہ میں نئی نویلی دلہن گھر کا صفایا کر کے فرار ہو گئی۔
پولیس کے مطابق دلہن نے رات کو دلہے کے دودھ میں نشہ آور چیز ملا کر بے ہوش کر دیا، لڑکی راتوں رات نقدی، کپڑے اور دیگر سامان لوٹ کر فرار ہو گئی۔
دلہا قیصر کے مطابق اس کی نئی نویلی دلہن کنگنی والا کی رہائشی اور کرایہ پر رہتی تھی ، نواب چوک میں واقعہ میرج ہال میں شادی کی تقریب ہوئی تھی۔
گوجرانوالہ پولیس کے مطابق واقعہ کا مقدمہ درج کیا جا رہا ہے، اس کے بعد فراڈ کرنیوالی خاتون کی تلاش شروع کر دی جائے گی۔
