×

پاکستان

دہشتگردوں کے خلاف آپریشن میں شہید میجر رب نواز کی نماز جنازہ ادا

بند کریں

مظفرآباد: (دنیا نیوز) دہشت گردوں کے خلاف آپریشن میں شہید ہونے والے میجر رب نواز کی نماز جنازہ ادا کر دی گئی۔

نماز جنازہ میں وزیراعظم، وزرا، سیاسی رہنما اور اعلیٰ عسکری حکام شریک ہوئے، شہید میجر رب نواز کا جسد خاکی علامہ اقبال نیلم برج سے اٹھایا گیا۔

یونیورسٹی کالج گراؤنڈ میں عوام، سول و عسکری قیادت کی بڑی تعداد شریک ہوئی، میجر رب نواز کو شہری پیار سے  گوشی  کے نام سے پکارتے تھے۔

رب نواز شہید پر قوم کو فخر۔ وطن کیلئے جان قربان کرنے پر سلام پیش کرتے ہیں: وزیراعظم آزاد کشمیر

وزیراعظم آزاد کشمیر چودھری انوار الحق نے بلوچستان میں فتنہ الہندوستان کے دہشتگردوں سے مقابلے کے دوران شہید ہونے والے میجر رب نواز کی نماز جنازہ میں شرکت کی۔

وزیراعظم آزادکشمیر نے میجر رب نواز شہید کے اہل خانہ سے ملاقات کی اور اظہار تعزیت کیا، انہوں نے میجر رب نواز شہید کو بھرپور انداز میں خراج عقیدت پیش کیا۔

انہوں نے کہا کہ میجر رب نواز شہید پر پوری قوم کو فخر ہے، شہید کو وطن کے لیے جان قربان کرنے پر سلام پیش کرتے ہیں۔

چودھری انوار الحق نے کہا کہ مسلح افواج پاکستان کی انسداد دہشتگردی کے لیے لازوال قربانیوں کو ہمیشہ یاد رکھا جائے گا۔