صدر ٹرمپ پاکستان کی درخواست سے باخبر، جلد ردعمل دیں گے: وائٹ ہاؤس
واشنگٹن: (دنیا نیوز) وائٹ ہاؤس کا کہنا ہے کہ ایران سے متعلق پاکستان کی تجویزسے امریکی صدر ڈونلڈ ٹرمپ کو آگاہ کردیا ہے۔
وائٹ ہاؤس کا کہنا ہے کہ امریکی صدر ڈونلڈ ٹرمپ وزیراعظم شہبازشریف کی درخواست پرجلد ردعمل دیں گے، صدرڈونلڈ ٹرمپ وزیراعظم شہبازشریف کی درخواست سے باخبر ہیں۔
واضح رہے کہ وزیراعظم شہبازشریف نے امریکی صدر ڈونلڈ ٹرمپ سے رابطہ کیا تھا، وزیراعظم نے درخواست کی تھی کہ ایران کو دی گئی ڈیڈ لائن میں دو ہفتے کی توسیع کی جائے، انہوں نے کہا تھا کہ مشرق وسطیٰ مستقبل قریب میں خاطر خواہ نتائج کا باعث بننے کی صلاحیت کے ساتھ مستحکم، مضبوطی اور طاقت کے ساتھ ترقی کر رہا ہے۔
شہبازشریف نے کہا تھا کہ سفارت کاری کو اپنا راستہ چلانے کی اجازت دینے کے لئے میں صدر ٹرمپ سے درخواست کرتا ہوں کہ وہ آخری تاریخ کو دو ہفتوں تک بڑھا دیں۔
وزیراعظم نے کہا تھا کہ پاکستان پورے خلوص کے ساتھ ایرانی بھائیوں سے جذبہ خیر سگالی کے طور پر آبنائے ہرمز کو دو ہفتوں کے لئے کھولنے کی درخواست کرتا ہے۔
انہوں نے مزید کہا تھا کہ ہم تمام متحارب فریقوں سے بھی درخواست کرتے ہیں کہ وہ خطے میں طویل مدتی امن اور استحکام کے مفاد میں جنگ کے حتمی خاتمے کے لئے سفارت کاری کو اجازت دینے کے لئے ہر جگہ دو ہفتوں کے لئے جنگ بندی کی پابندی کریں۔
