معاہدے کے تحت لبنان سمیت تمام محاذوں پر جنگ بندی امریکہ کی ذمہ داری ہے، عراقچی
تہران: (دنیا نیوز) ایرانی وزیر خارجہ عباس عراقچی نے کہا ہے کہ اسلام آباد مفاہمتی یادداشت کے مطابق لبنان سمیت تمام محاذوں پر جنگ بندی یقینی بنانا امریکہ کی ذمہ داری ہے۔
ایرانی میڈیا کے مطابق ایرانی وزیر خارجہ عباس عراقچی اور فرانسیسی وزیرخارجہ کے درمیان ٹیلیفونک رابطہ ہوا، جس میں عباس عراقچی کا کہنا تھا مفاہمتی یادداشت پر عملدرآمد کیلئے یو این سلامتی کونسل سمیت عالمی حمایت ناگزیر ہے۔
عباس عراقچی نے ایران اور فرانس کے درمیان اقتصادی تعاون کے فروغ کے مواقع پر زور دیا، جبکہ فرانسیسی وزیر خارجہ نے سفارتی عمل کی مکمل حمایت کا اظہار کیا اور دیرپا امن اور استحکام کو مضبوط بنانے کی اہمیت پر زور دیا۔
ایران اور فرانس دونوں نے عالمی قانون کے مطابق آبنائے ہرمز میں محفوظ آمدورفت پر بھی زور دیا۔
