بیرونی قوتیں روس کے توانائی شعبے کو غیر مستحکم کرنے کی کوشش کر رہی ہیں: پوتن
ماسکو: (شاہد گھمن) روسی صدر ولادیمیر پوتن نے کہا ہے کہ بیرونی قوتیں روس کے ایندھن اور توانائی کے شعبے سمیت ملکی معیشت کے مختلف اہم شعبوں کو غیر مستحکم کرنے کی کوشش کر رہی ہیں، تاہم ان اقدامات کے باوجود روسی معیشت کے بنیادی شعبے مستحکم ہیں۔
اقتصادی امور سے متعلق ایک اجلاس سے خطاب کرتے ہوئے صدر پوتن نے کہا کہ روس کی معیشت کے کلیدی شعبوں کی مجموعی صورتحال بدستور مستحکم ہے۔
انہوں نے کہا کہ یہ استحکام اس حقیقت کے باوجود برقرار ہے کہ بیرونی قوتیں ایندھن و توانائی کے شعبے اور معیشت کے بعض دیگر شعبوں میں عدم استحکام پیدا کرنے کی کوشش کر رہی ہیں۔
صدر پوتن نے اس بات پر زور دیا کہ روسی حکومت اقتصادی استحکام برقرار رکھنے، توانائی کے شعبے کی فعالیت کو یقینی بنانے اور بیرونی دباؤ کے باوجود ملکی معیشت کی مضبوطی کے لیے اقدامات جاری رکھے ہوئے ہے۔
Comments / رائے دیں
Share your thoughts. Comments are reviewed before they appear publicly.
Approved Comments