بہاولپور میں تھرڈ نیشنل طائی کراٹے چیمپین شپ کا انعقاد
احمدپورشرقیہ: (ویب ڈیسک) بہاولپور تھرڈ نیشنل طائی کراٹے چیمپین شپ کا انعقاد ہوا۔
چیمپین شپ میں ملک بھر کے تمام صوبوں سے نیشنل و انٹرنیشنل کھلاڑیوں نے بھرپور شرکت کی، تقریب کے مہمانان خصوصی کمشنر بہاولپور نادر علی چٹھہ، پروفیسر سرجن ڈاکٹر جاوید اقبال، قاری امید علی اور انٹرنیشنل گرینڈ ماسٹر مسلم بھٹی تھے۔
پریزیڈنٹ سعد جعفری اور چیف آرگنائزر ایم عاطف لودھی نے مہمانوں کا خصوصی استقبال کیا اور گرینڈ ماسٹر مسلم بھٹی کی جدہ سے خصوصی آمد پر ان کا شکریہ ادا کیا۔
مجموعی طور پر فتح پانے والی ٹیموں میں پہلی پوزیشن پنجاب گرین، دوسری پوزیشن کے پی کے نے جبکہ تیسری پوزیشن پنجاب ریڈ نے حاصل کی، ٹورنامنٹ میں بچوں کے والدین اور عزیز و اقارب اور شہریوں نے بھی بھرپور طور پر شرکت کی۔
