اسپینش فرائی فش
اجزاء :مچھلی کے قتلے ایک کلو، نمک حسب ذائقہ، لہسن کے جوئے دو سے تین عدد، ثابت کالی مرچ آدھا چائے کا چمچ، مسٹرڈ پیسٹ آدھا چائے کا چمچ، لیموں دو عدد، میدہ حسب ضرورت، ڈبل روٹی کا چورا آدھی پیالی، تازہ پارسلے دو سے تین ڈنٹھل، کوکنگ آئل حسب ضرورت۔
ترکیب:مچھلی کے قتلوں کو صاف دھو کر خشک کر لیں اور اس پر مسٹرڈ پیسٹ مل دیں۔ ایک پیالے میں چار کھانے کے چمچ میدہ اور ڈبل روٹی کا چورا ڈالیں، اس میں نمک اور پسی ہوئی کالی مرچ ملائیں۔ مچھلی کے قتلوں کو اس مکسچر میں اچھی طرح رول کرکے کوکنگ آئل میں فرائی کر لیں۔
ساس بنانے کیلئے چار کھانے کے چمچ کوکنگ آئل کو ہلکا سا گرم کریں اور اس میں ایک چائے کا چمچ لیموں کا چھلکا کش کرکے ڈالیں، خوشبو آنے پر کچلا ہوا لہسن ڈال کر ہلکا سا فرائی کریں۔ پھر اس میں دو کھانے کے چمچ میدہ ڈال کر بھونیں، میدہ بھن جائے تو اس میں دو سے تین کھانے کے چمچ لیموں کا رس اور تھوڑا سا پانی ڈال کر ہلکا سا گاڑھا ہونے تک پکائیں اور آخر میں اس میں باریک کٹا ہوا پارسلے ملا لیں۔
