ذرا مسکرایئے
استاد (شاگرد سے):اب تم تمام اقوام کے بارے میں اچھی طرح جان چکے ہو نا؟شاگرد:جی جناب۔
استاد :اچھا پھر یہ بتائو کہ چینی اور مصری میں کیا فرق ہے؟
شاگرد:جناب فرق کوئی نہیں ، دونوں میٹھی ہوتی ہیں اور چائے ، شربت بنانے کے کام آتی ہیں۔
٭٭٭
استاد (شاگرد سے) بتایئے پاکستانی اسٹودنٹس میں سب سے زیادہ کس چیز کی کمی ہے۔
شاگرد! جناب چھٹی کیلئے اچھے بہانے کی۔
٭٭٭
استاد: مرچوں میں کونسا وٹامن ہوتا ہے؟
شاگرد: جناب وٹامن سی۔
استاد: ثابت کرو۔
شاگرد: جناب! مرچیں کھا کر سب سی سی کرتے ہیں۔ ثابت ہو گیا کہ مرچوں میں وٹامن سی ہے۔
٭٭٭
ایک دوست (دوسرے سے) : اگر میں مر جاؤں تو تم کیا کرو گے؟
دوسرے نے کہا: میں بہت زیادہ روؤں گا۔
پہلا: تم مجھے رو کے دکھاؤ۔
دوسرا : پہلے تم مر کے دکھاؤ۔
٭٭٭
روزنامہ دنیا ایپ انسٹال کریں
