گیندا:باغیچوں کی رونق
گیندا ایک ایسا خوب صورت اور رنگا رنگ پھول ہے جو اپنے شوخ رنگوں، دلکش ساخت اور خوش نما انداز کے باعث باغیچوں، گھروں اور پارکوں کی رونق بڑھاتا ہے۔
گیندے کے پھول کی کئی اقسام پائی جاتی ہیں جن کے رنگ زرد، سنہری، نارنجی اور بعض اوقات سرخی مائل ہوتے ہیں۔ اس کی گول اور گھنی پنکھڑیاں اسے منفرد حسن عطا کرتی ہیں۔ گیندے کا پودا نسبتاً آسانی سے اگ آتا ہے اور اسے زیادہ پیچیدہ نگہداشت کی ضرورت نہیں ہوتی۔ مناسب دھوپ اورپانی اسے صحت مند رکھنے کیلئے کافی ہیں۔ اسی وجہ سے گھریلو باغبانی کے شوقین افراد بھی اسے بڑی تعداد میں اگاتے ہیں۔
گیندے کے پھول کی ایک نمایاں خصوصیت اس کی دیرپا تازگی ہے۔ اس کے پھول کئی دن تک اپنی خوبصورتی برقرار رکھتے ہیں، اسی لیے شادی بیاہ اور دیگر تقریبات میں ان کے ہار اور لڑیاں بنائی جاتی ہیں۔ اس کے علاوہ گیندے کی بعض اقسام سے قدرتی رنگ بھی حاصل کیے جاتے ہیں۔
Comments / رائے دیں
Share your thoughts. Comments are reviewed before they appear publicly.
Approved Comments