بجٹ میں غیر ملکی سفر کیلئے بزنس اور کلب کلاس پر ٹیکسز میں اضافہ
اسلام آباد: (دنیا نیوز) بجٹ میں پاکستان سے باہر ٹریول کرنے کیلئے بزنس کلاس اور کلب کلاس کے ٹیکسز مہنگے ہو گئے۔
یکم جولائی سے امریکا اور کینیڈا کیلئے بزنس کلاس اور کلب کلاس ٹکٹ پر ایکسائز ڈیوٹی ایک لاکھ روپے تک بڑھا دی گئی، امریکا، نارتھ امریکہ، لاطینی امریکہ اور کینیڈا کے بزنس اور کلب کلاس پر ایکسائز ڈیوٹی 2.5 سے بڑھا 3.5 لاکھ روپے کر دی گئی۔
یورپ کیلئے یکم جولائی سے بزنس کلاس اور کلب کلاس کے ٹکٹ پر ایکسائز میں 60 ہزار روپے کا اضافہ کیا گیا ہے، یکم جولائی سے یورپ کے بزنس اور کلب کلاس ٹکٹ پر ایکسائز ڈیوٹی ڈیڑھ لاکھ سے بڑھا کر 2 لاکھ 10 ہزار روپے کر دی گئی ہے۔
نیوزی لینڈ، آسٹریلیا کے یکم جولائی سے بزنس کلاس اور کلب کلاس کے ٹکٹ پر ایکسائز ڈیوٹی 60 ہزار روپے بڑھا دی گئی، نیوزی لینڈ اور آسٹریلیا کیلئے یکم جولائی سے بزنس اور کلب کلاس کے ٹکٹ پر ایکسائز ڈیوٹی 2 لاکھ 10 ہزار روپے کر دی گئی۔
بجٹ میں چین ملائیشیا اور انڈونیشیا کیلئے بزنس اور کلب کلاس ٹکٹ پر ایکسائز ڈیوٹی 2 لاکھ 10 ہزار روپے کر دی گئی۔
دبئی، سعودیہ سمیت مڈل ایسٹ اور افریقی ممالک کے بزنس اور کلب کلاس ٹکٹ پر ایکسائز ڈیوٹی میں 30 ہزار روپے کا اضافہ کیا گیا ہے، بجٹ میں دبئی، سعودی عرب اور افریقی ممالک کے ٹکٹ پر ایک لاکھ پانچ ہزار روپے ایکسائز ڈیوٹی عائد کی گئی ہے۔
