بند کمروں کے فیصلوں نے ملکی معیشت کو تباہ کردیا: ایس ایم تنویر
کراچی: (دنیا نیوز) فیڈریشن چیمبرلیڈر اور پیڑن انچیف یو بی جی ایس ایم تنویر نے کہا کہ بغیر مشاورت کے بند کمروں میں ہونیوالے فیصلوں نے معشیت کو تباہ کردیا ہے۔
کراچی میں پریس کانفرنس کرتے ہوئے انہوں نے کہا کہ مہنگی بجلی کیوجہ سے پیپرملیں، ٹیکسٹائل انڈسٹری کے 140 یونٹ بند ہوچکے ہیں جس کے باعث ایکسپورٹ کم اور بےروزگاری بڑھ رہی ہے۔
انہوں نے کہا کہ وزرات توانائی خود ساختہ بجلی کے نرخ طے کرکے کابینہ سے منظور کراتی ہے، اس طرح سےانڈسٹری کا چلنا بہت مشکل ہوگیا ہے، مہنگی بجلی نے ہمارے ملک کی پوری اکانومی کوتباہ کردینا ہے۔
پیڑن انچیف یو بی جی کا کہنا تھا کہ نئی انڈسٹری لگانے کیلئے تین نسلوں کو کام کرنا ہوتا ہے، نئے صوبے بنائے بغیر اکنامی ٹھیک نہیں ہوسکتی، :بڑے صوبوں میں چھوٹے صوبوں کی گنجائش موجود ہے ، حکومت کو سنجیدہ ہونا ہوگا۔
