ویسٹ انڈیز کا دورہ پاکستان، وارم اپ میچ کیلئے شاہینز کے سکواڈ کا اعلان
لاہور: (دنیا نیوز) ویسٹ انڈیز کرکٹ ٹیم کے دورہ پاکستان کیلئے تین روزہ وارم اپ میچ کے لیے پاکستان شاہینز کے سکواڈ کا اعلان کر دیا گیا۔
پاکستان شاہینز ٹیم کی قیادت امام الحق کریں گے، پاکستان شاہینز میں احمد بشیر،احمد صفی عبداللہ، علی زریاب شامل ہیں، حسیب اللہ ، حسین طلعت، کاشف علی اور محمد ہریرہ بھی ٹیم کا حصہ ہیں۔
محمد رمیز جونیئر، محمد سلیمان، موسیٰ خان، عمیر بن یوسف، روحیل نذیر اور سعد خان بھی ٹیم میں شامل ہیں۔
ویسٹ انڈیز اور پاکستان شاہینز کے درمیان 3روزہ پریکٹس میچ 10 جنوری کو اسلام آباد کلب میں کھیلا جائے گا۔
پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 17 جنوری سے ملتان میں ہو گا۔
