'قومی ٹیم نے بہادری سے مقابلہ کیا'، وزیراعظم، صدر کی انگلینڈ کو جیت پر مبارکباد
لاہور: ( ویب ڈیسک ) وزیراعظم شہباز شریف اور صدر مملکت ڈاکٹر عارف علوی نے ٹی 20 ورلڈ کپ جیتنے پر انگلینڈ کی کرکٹ ٹیم کو مبارکباد دی ہے۔
خیال رہے کہ انگلینڈ نے پاکستان کو فیصلہ کن معرکے میں 5 وکٹ سے شکست دے کر دوسری مرتبہ چیمپئن بننے کا اعزاز حاصل کیا۔
قومی ٹیم کی شکست پر سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم شہباز شریف نے لکھا کہ پاکستانی ٹیم نے سخت اور بہادری سے مقابلہ کیا، شاندار باؤلنگ پرفارمنس دی گئی لیکن انگلینڈ نے آج بہتر کھیل کا مظاہرہ کیا۔
— Shehbaz Sharif (@CMShehbaz) November 13, 2022
انہوں نے اپنے ٹوئٹ میں مزید لکھا کہ اس میگا ٹورنامنٹ کے فائنل میچ میں جگہ بنانے پر ہمیں اپنے لڑکوں پر فخر ہے۔
صدر عارف علوی
صدر مملکت ڈاکٹر عارف علوی نے بھی سماجی رابطے کی ویب سائٹ ٹوئٹر پر اپنے پیغام میں لکھا کہ عمدہ آل راؤنڈر کارکردگی کا مظاہرہ کرتے ہوئے کپ جیتنے پر انگلینڈ کو مبارک دیتا ہوں۔
— Dr. Arif Alvi (@ArifAlvi) November 13, 2022
اپنے ٹوئٹ میں انہوں نے لکھا کہ پاکستان ٹیم آپ نے اچھا کھیلا، کم سکور کے باوجود اچھی باؤلنگ کی اور اپنی پوری کوشش کی۔
