اوکاڑہ میں ہائی ایس گاڑی اور رکشہ میں تصادم، خاتون جاں بحق، 3 افراد شدید زخمی
اوکاڑہ: (دنیا نیوز) اوکاڑہ میں ٹریفک حادثے میں ایک خاتون جاں بحق جبکہ 3 افراد زخمی ہوگئے۔
حادثہ نیشنل ہائی وے پر ہوا، اطلاع پر پولیس کی بھاری نفری اور امدادی ٹیمیں موقع پر پہنچ گئیں، جاں بحق ہونے والی خاتون کی لاش اور زخمیوں کو فوری طور پر ہسپتال منتقل کردیا گیا۔
ریسکیو ذرائع کے مطابق ہائی ایس گاڑی اور رکشہ میں تصادم تیزرفتاری کے باعث ہوا، رکشہ میں سوار خاتون موقع پر ہی دم توڑ گئی، زخمیوں کی حالت بھی تشویشناک بتائی گئی ہے، پولیس نے واقعہ کی تحقیقات شروع کردی۔
