ڈی آئی خان: سربراہ امن کمیٹی کے گھر شادی تقریب میں دھماکہ، 5 افراد جاں بحق
ڈیرہ اسماعیل خان :(دنیا نیوز) خیبرپختونخوا کے ضلع ڈیرہ اسماعیل خان میں امن کمیٹی کے سربراہ نور عالم محسود کے گھر میں شادی کے تقریب کے دوران دھماکے سے پانچ افراد جاں بحق ، متعدد زخمی ہو گئے۔
مقامی پولیس کے مطابق قریشی موڑ کے قریب امن کمیٹی کے ممبر نور عالم محسود کے گھر میں خودکش دھماکا ہوا اور اطلاع ملتے ہی پولیس کی بھاری نفری جائے وقوع پر روانہ کردی گئی۔
پولیس نے بتایا کہ خودکش دھماکے کے وقت گھر میں شادی کی تقریب جاری تھی اور دھماکے میں اب تک پانچ افراد جاں بحق ہو چکے ہیں جب کہ مزید ہلاکتوں کا خدشہ ہے۔
دوسری جانب ڈیرہ اسماعیل خان پولیس نے بتایا کہ دھماکے کے وقت امن کمیٹی کے متعدد ارکان شادی کی تقریب میں موجود تھے، زخمیوں کو مقامی ہسپتال منتقل کیا جارہا ہے۔
