نیپال میں دو مسافر بسوں میں تصادم، 4 افراد ہلاک، 6 شدید زخمی
کھٹمنڈو: (ویب ڈیسک) نیپال میں دو مسافر بسوں میں تصادم سے چار افراد ہلاک اور 6 شدید زخمی ہو گئے۔
میڈیا رپورٹ کے مطابق ضلع چتوان کے پولیس ترجمان بھیش راج رجال نے بتایا کہ یہ حادثہ گزشتہ روز مسافر بس اور ایک الیکٹرک مائیکرو بس کے درمیان پیش آیا۔
حادثے کے باعث مائیکرو بس میں سوار تمام افراد موقع پر ہی دم توڑ گئے، انہوں نے بتایا کہ زخمیوں میں سے2 کی حالت تشویش ناک ہے۔
