مذاکرات کا نتیجہ جو بھی ہو، حکومت اپنے عوام کے ساتھ کھڑی ہے: ایرانی صدر
تہران:(دنیا نیوز) ایرانی صدر مسعود پزشکیان نے کہا ہے کہ مذاکرات کا نتیجہ جو بھی ہو، حکومت ہر حال میں اپنے عوام کے ساتھ کھڑی ہے۔
سماجی رابطے کی ویب سائٹ ’ایکس ‘ پراسلام آباد امن مذاکرات کے حوالے سے اپنے بیان میں مسعود پزشکیان کا کہنا تھا کہ ایرانی مذاکراتی وفد قومی مفادات کا بھرپور دفاع کررہا ہے۔
اُنہوں نے کہا کہ ہمارا وفد پاکستان میں پوری بہادری اور جرأت سے مذاکرات کرے گا، عوام کی خدمت کا مشن کسی صورت نہیں رکے گا۔
— Masoud Pezeshkian (@drpezeshkian) April 11, 2026
ایرانی صدر کا کہنا تھا مذاکرات کا نتیجہ جو بھی ہو، حکومت ہر حال میں اپنے عوام کے ساتھ کھڑی ہے، اسلام آباد مذاکرات میں ایرانی مفادات پر کوئی سمجھوتا نہیں کیا جائے گا۔
مسعود پزشکیان کا مزید کہنا تھا کہ پاکستان میں موجود اپنے مذاکراتی وفد کی مکمل حمایت کرتے ہیں۔
