نواز شریف لندن پہنچ گئے ، ایون فیلڈ کے باہر ن لیگی ،پی ٹی آئی کارکن آمنے سامنے ،نعرے بازی
لندن(آئی این پی،مانیٹرنگ ڈیسک)سابق وزیر اعظم نواز شریف بیلا روس کا دورہ مکمل کر کے لندن پہنچ گئے ۔نواز شریف خصوصی طیارے کے ذریعے منسک سے لندن کے لوٹن ایئر پورٹ پہنچے ۔۔
نواز شریف دو ہفتے تک لندن میں قیام کریں گے ۔سابق وزیراعظم لوٹن ایئرپورٹ سے اپنی رہائش گاہ ایون فیلڈ روانہ ہو گئے ، وہ لندن میں اپنے علاج کے علاوہ سیاسی ملاقاتیں بھی کریں گے ۔نواز شریف کی آمد سے قبل ایون فیلڈ کے باہر ن لیگ اور پی ٹی آئی کے کارکن آمنے سامنے آئے ۔ دونوں پارٹیوں کے ورکرز نے ایک دوسرے کے خلاف نعرے بازی کی۔لندن پولیس کی بھاری نفری ایون فیلڈ پہنچی جو پی ٹی آئی کے کارکنوں کو حراست میں لے کر ساتھ لے گئی ۔
روزنامہ دنیا ایپ انسٹال کریں
