نیوزی لینڈ میں پاکستانی ٹیم کو برا بھلا کہنے والا افغان شہری نکلا
لاہور(سپورٹس ڈیسک )نیوزی لینڈ کے خلاف تیسرے ون ڈے میچ میں شکست کے بعد پاکستانی کرکٹر خوشدل شاہ سے الجھنے اورقومی ٹیم کوبرابھلاکہنے والا افغان شہری نکلا ۔۔
ذرائع کے مطابق تماشائی کی جانب سے پشتو میں پاکستان ٹیم کو برا بھلا کہا گیا تماشائی کے بارے میں ابتدائی طور پر بتایا گیا ہے کہ وہ افغان شہری تھا۔ واقعے کی انکوائری جاری ہے اور ٹیم منیجر اس معاملے کو دیکھ رہے ہیں، پی سی بی کے ذرائع نے کہاکہ بورڈ اس معاملے پر خوشدل شاہ کے ساتھ ہے ۔قومی ٹیم کی انتظامیہ نے غیرملکی شائقین کی جانب سے قومی پلیئرز سے بد زبانی کی مذمت کرتے ہوئے بتایا کہ غیرملکی شائقین نے گراؤنڈ میں موجود کرکٹرز کے بارے میں نازیبا الفاظ ادا کئے ،پاکستان مخالف آوازیں کسنے پر خوشدل شاہ نے غیرملکی شائقین کو منع کیا، منع کرنے پر افغان شائقین نے پشتو میں مزید نازیبا الفاظ ادا کئے ،بعدازاں 2افغان شائقین نے خوشدل شاہ سے ہاتھا پائی کی کوشش بھی کی جس کے بعد پاکستان ٹیم کی شکایت پر 2 غیرملکی شائقین کو سٹیڈیم سے باہر نکال دیا گیا۔
