پاکستان پہلے 10اوورز میں دوسری’’بدترین باؤلنگ ‘‘سائیڈ بن گیا
لاہور(سپورٹس ڈیسک )پاکستانی فاسٹ بولرز نے ایک سال میں ابتدائی 10 اوورز میں دوسری بدترین بالنگ کا ناپسندیدہ ریکارڈ بنواڈالا۔ٹی20 ورلڈکپ 2024، آئی سی سی چیمپئینز ٹرافی 2025 سمیت دیگر ٹیموں کیخلاف سیریز میں پاکستانی فاسٹ بولرز کی کارکردگی نہایت مایوس کُن رہی۔
فاسٹ بولرز کیلئے مشہور پاکستانی ٹیم کے تیز گیند باز اپنی لائن و لینتھ ہی بھول گئے ، پچھلے ایک سال میں پاکستانی ٹیم نے ابتدائی 10 اوورز میں 36 کی اکانومی سے رنز کے انبار لگوائے ۔اس فہرست میں انگلینڈ پہلی پوزیشن پر براجمان ہے ، جس کے فاسٹ بولرز کیخلاف حریف ٹیموں نے 37.3کی اکانومی کیساتھ رنز بنوائے جبکہ جنوبی افریقی بالرز نے 33اور بھارتی بالرز نے 31.4 کی اوسط سے پہلے10اوورز میں رنز دیئے ۔دوسری جانب فاسٹ بولرز کی ناقص کارکردگی پر فینز نے شدید مایوسی کا اظہار کرتے ہوئے کہا کہ یہ وہی ٹیم ہے جس کے پاس وسیم، وقار، شعیب اختر جیسے سپیڈ سٹار تھے اور خوف کی علامت سمجھے جاتے تھے ، آج وہی ٹیم پیس اٹیک کو ترس رہی ہے ۔
