آئی پی ایل سے ٹکراؤ،پی ایس ایل میچزکے اوقات کار تبدیل
لاہور(سپورٹس ڈیسک )پاکستان سپر لیگ (پی ایس ایل) کے 10ویں ایڈیشن کے آغاز سے قبل بورڈ نے انڈین پریمیئر لیگ (آئی پی ایل) سے ٹکراؤ کے سبب میچز کے اوقات کار تبدیل کرڈالے ۔
پوڈکاسٹ میں پی ایس ایل کے سی ای او سلمان نصیر نے کہاکہ میچز کے انعقاد کیلئے اوقات کار میں تبدیلی کا فیصلہ انڈین پریمئیر لیگ (آئی پی ایل) سے ٹکراؤ، کرکٹ شائقین اور براڈکاسٹرز کے مفادات کو مدنظر رکھتے ہوئے کیا گیا ہے ۔ پی ایس ایل کے میچز رات 8 بجے شروع ہوں گے جبکہ آئی پی ایل میچز شام 7 بجے کھیلے جارہے ہیں، پاکستان سپر لیگ نے اپنی منفرد پہنچان بنائی ہے اور ہمیں امید ہے کہ فینز میچز سے لطف اندوز ہوں گے ۔ لیگ کیلئے براڈکاسٹنگ کوالٹی کو بہتر بنایا ہے تاکہ زیادہ سے زیادہ پذیرائی مل سکے ۔ اسی طرح ٹیموں نے کئی معروف بین الاقوامی کھلاڑیوں کو سائن کیا ہے جنہیں پی ایس ایل میں جگہ نہیں ملی۔
