پی ایس ایل :پہلے میچ میں لاہور قلندرز کو 8 وکٹوں سے شکست
راولپنڈی (سپورٹس رپورٹر) پاکستان سپر لیگ کے پہلے میچ میں اسلام آباد یونائیٹڈ نے لاہور قلندرز کو 8 وکٹوں سے شکست دیدی۔
راولپنڈی میں کھیلے گئے پہلے میچ میں اسلام آباد یونائیٹڈ نے 140 رنز کا ہدف 18 اوورز میں 2 وکٹوں کے نقصان پر کیا۔یونائیٹڈ کی جانب سے کولن منرو 59 اور سلمان آغا 41 رنز بنا کر ناٹ آؤٹ پویلین لوٹے ۔ صاحبزادہ فرحان 25 اور آندرے گوس 4 رنز بنا کر آؤٹ ہوئے ۔لاہور قلندرز کی جانب سے آصف آفریدی اور حارث رؤف نے 1، 1 وکٹ حاصل کی۔اس سے قبل اسلام آباد یونائیٹڈ کی دعوت پر پہلے بیٹنگ کرتے ہوئے قلندرز کی ٹیم 19.2اوورز میں 139رنز بنا کر آؤٹ ہوگئی۔لاہور کی جانب سے عبداللہ شفیق 66 رنز بنا کر نمایاں رہے ۔سکندر رضا 23، ڈیرل مچل 13، حارث رؤف 10، محمد نعیم 8، کپتان شاہین آفریدی 2، فخر زمان 1 جبکہ سیم بلنگز، جہانداد خان اور ڈیوڈ ویزے بغیر کھاتا کھولے پویلین لوٹے اسلام آباد یونائیٹڈ کی جانب سے جیسن ہولڈر نے 4، کپتان شاداب خان نے 3، جبکہ عماد وسیم، رائلے میریڈتھ اور نسیم شاہ نے 1، 1 وکٹ حاصل کی، جیسن ہولڈر مین آف دی میچ قرارپائے ۔
