ایس ای سی پی اپیلیٹ بینچ نے 100اپیلوں کا فیصلہ کردیا
کراچی(بزنس رپورٹر)سکیورٹیز اینڈ ایکسچینج کمیشن کے اپیلیٹ بینچ جو کہ اعلیٰ نیم عدالتی اپیلیٹ فورم ہے نے مارچ 24 سے مارچ 25 تک یعنی ایک سال میں 100 اپیلوں کو کامیابی سے نمٹا دیا ۔
یہ سنگ میل انصاف کی فراہمی میں تیزی لانے اور زیر التوا مقدمات کے بوجھ کو کم کرنے کی جانب ایک اہم پیش رفت ہے ۔ کامیابی سے نمٹائی گئی 100 اپیلوں میں سے 26 مقدمات کا تعلق انشورنس آرڈیننس 2000 سے تھاجبکہ 6 مقدمات سیکیورٹیز ایکٹ 2015 سے متعلق تھے ، اسکے علاوہ 22 مقدمات کمپنیز آرڈیننس 1984 اور کمپنیز ایکٹ 2017 کے تحت معاملات پر مشتمل تھے جبکہ 6 مقدمات نان بینکنگ فنانس کمپنیز ریگولیشنز 2008 کی خلاف ورزیوں سے متعلق تھے ،باقی 40 مقدمات میں ایس ای سی پی کے اینٹی منی لانڈرنگ اور دہشت گردی کی مالی معاونت کے انسداد سے متعلق ریگولیشنز 2018 اور 2020 کی مختلف شقوں کی خلاف ورزیوں کو حل کیا گیا۔
