سر سید ایکسپریس کو یکم ستمبر سے بحال کرنے کا فیصلہ
لاہور(اپنے کامرس رپورٹر سے ) ریلوے انتظامیہ نے پبلک پرائیویٹ پاٹنرشپ کے تحت کراچی کینٹ۔راولپنڈی۔کراچی کینٹ کے درمیان چلنے والی سر سید ایکسپریس (35UP /36DN) کو یکم ستمبر سے بحال کرنے کا فیصلہ کیا ہے ۔
سرسید ایکسپریس (35UP) کراچی کینٹ سے رات 9 بجے روانہ ہو کر حیدرآباد،خانپور، خانیوال، فیصل آباد،سانگلہ ہل، وزیر آباد،گجرات، جہلم سے ہوتی ہوئی اگلے روز رات8 بج کر 55 منٹ پر راولپنڈی پہنچے گی ۔اسی طرح سر سید ایکسپریس (36DN) راولپنڈی سے دوپہر1 بج کر 30 منٹ پر روانہ ہو کر اسی روٹ سے ہوتی ہوئی اگلے روز دوپہر 1 بج کر 50 منٹ پر کراچی کینٹ پہنچے گی ۔یہ ٹرین ایک اے سی سلیپر، ایک اے سی بزنس، ایک اے سی سٹینڈرڈ ،چار اکانومی کلاس کوچز، ایک ڈائننگ کار ،ایک بریک وین اور ایک پاور پلانٹ پر مشتمل ہوگی ۔ ڈرگ روڈ، حیدرآباد، روہڑی،بہاولپور، خانیوال،فیصل آباد،سانگلہ ہل، حافظ آباد،وزیر آباد، گجرات، جہلم اس کے سٹاپ ہوں گے ۔ جبکہ ٹرین راولپنڈی سے کراچی جاتے ہوئے لانڈھی ریلوے سٹیشن پر بھی سٹاپ کرے گی۔
