ایئروائس مارشل عامرحیات دوبارہ پی آئی اے کے سربراہ مقرر
کراچی:(دنیا نیوز) ایئروائس مارشل عامرحیات دوبارہ پی آئی اے کے سربراہ مقررکر دیئے گئے۔
وفاقی حکومت نے ایئر وائس مارشل عامر حیات کو دوبارہ سی ای او پی آئی اے تعینات کرنے کا نوٹیفکیشن جاری کردیا، جس کے مطابق عامر حیات کو مستقل سی ای او کی تعیناتی تک قائم مقام سی ای او تعینات کیا گیا ہے۔
خیال رہے پی آئی اے کےبورڈ آف ڈائریکٹرز کی سفارش پرعامر حیات کو قائم مقام سی ای او مقرر کیا گیا ہے۔
واضح رہے کہ اس سے قبل قومی ایئرلائن میں خرم مشتاق قائم مقام سی ای اوپی آئی اے کی ذمہ داریاں نبھارہے تھے۔
دوسری جانب خرم مشتاق کو پی آئی اے کا چیف آپریٹنگ آفیسر مقرر کردیا گیا جبکہ چیف آف ٹریننگ اینڈ ڈویلپمنٹ کے طور پر انعام اللہ قریشی اپنی ذمہ داریاں نبھائیں گے،امان اللہ قریشی اس سےقبل قائم مقام سی اواو کی ذمہ داریاں بھی سنبھالے ہوئے تھے۔
