بلوچستان میں کم بی ٹی یو گیس پلانٹس کی کمرشل بنیادوں پر تنصیب کا فیصلہ
کوئٹہ: (دنیا نیوز) وزیراعلیٰ بلوچستان میر سرفراز بگٹی نے صوبے میں کم بی ٹی یو گیس پلانٹس کی کمرشل بنیادوں پر تنصیب کا فیصلہ کر لیا۔
وزیراعلیٰ بلوچستان میر سرفراز بگٹی کے زیر صدارت اجلاس ہوا، جس میں قلات کے مارگند اور سوئی کے زن گیس فیلڈ پر صنعتی پلانٹس لگانے کی تجویز دی گئی۔
اجلاس میں وزیراعلیٰ بلوچستان سمیت تمام شرکا کو فرٹیلائزر، سیمنٹ، توانائی اور سیرامکس انڈسٹری کے قیام کے امکانات پر بریفنگ دی گئی۔
اجلاس میں فیصلہ کیا گیا کہ کم بی ٹی یو گیس منصوبوں کے لیے سرمایہ کار کمپنیوں سے ایکسپریشن آف انٹرسٹ طلب کئے جائیں گے۔
وزیراعلیٰ بلوچستان میر سرفراز بگٹی نے ہدایت کی کہ سرمایہ کار کمپنیاں مقامی ہنرمند افراد کو روزگار میں ترجیح دیں۔
میر سرفراز بگٹی کا کہنا تھا کہ صنعتی منصوبوں سے روزگار اور ٹیکس ریونیو میں نمایاں اضافہ ہوگا۔
