پاک بحریہ کا سمندر میں کامیاب انسداد منشیات آپریشن، بڑی کھیپ ضبط
راولپنڈی: (دنیا نیوز) پاک فوج کے شعبہ تعلقات عامہ کے مطابق پاک بحریہ نے سمندر میں کامیاب انسداد منشیات آپریشن کرتے ہوئے منشیات کی بڑی کھیپ ضبط کر لی۔
آئی ایس پی آر کے مطابق انسدادِ منشیات آپریشن شمالی بحیرہ عرب میں کیا گیا، نیول فضائی اثاثوں کی مدد سے پی این ایس معاون نے مشکوک کشتی پر بورڈنگ آپریشن کر کے منشیات قبضے میں لے لیں۔
پاک فوج کے شعبہ تعلقات عامہ کے مطابق منشیات کشتی کے خفیہ خانوں میں چھپائی گئی تھیں، ضبط شدہ منشیات کی بین الاقوامی مارکیٹ میں مالیت تقریباً 1 ملین امریکی ڈالر ہے۔
.jpg)
آئی ایس پی آر کے مطابق منشیات کی یہ کھیپ سمندر کے راستے بین الاقوامی مقامات تک پہنچائی جا رہی تھی، پاک بحریہ خطے کی سمندری حدود میں ہر طرح کی غیر قانونی سرگرمیوں کی روک تھام کیلئے ہمہ وقت سرگرم ہے۔
