برطانوی ہائی کمشنر جین میریٹ پی آئی اے کی مداح، سفر کی ویڈیو جاری کر دی
اسلام آباد: (دنیا نیوز) برطانوی ہائی کمشنر جین میریٹ پی آئی اے کی مداح ہو گئیں۔
برطانوی ہائی کمشنر جین میریٹ نے پی آئی اے کے ذریعے کراچی سے اسلام آباد سفر کی ویڈیو جاری کر دی اور کہا بہت جلد میں پی آئی اے کی پرواز سے براہ راست مانچسٹر جاؤں گی۔
جین میریٹ نے کہا کہ ہوابازی کا ذاتی شوق ان کو جہاز کے کاک پٹ لے گیا، جہاں پی آئی اے کے کپتان نے انہیں بریفنگ دی۔
— Jane Marriott (@JaneMarriottUK) August 6, 2025
سی ای او پی آئی اے نے برطانوی ہائی کمشنر کو اعزازی ہوا باز بنا کر کپتان کی کیپ پیش کی، برطانوی سفیر نے پی آئی اے کیلئے نیک تمناؤں اور خواہشات کا اظہار کیا۔
سی ای او پی آئی اے کی جانب سے برطانوی ہائی کمشنر کو پروازوں کی بحالی میں انتھک کردار ادا کرنے پر خراج تحسین پیش کیا گیا۔
