حکومت مخالف احتجاج، بلغاریہ کے وزیراعظم نے استعفیٰ دے دیا
صوفیا: (ویب ڈیسک) کئی ہفتوں سے جاری حکومت مخالف احتجاج کی وجہ سے بلغاریہ کے وزیراعظم روزن زیلیازکوو مستعفی ہوگئے۔
غیر ملکی خبر رساں ادارے کے مطابق جمعرات کو وزیراعظم روزن زیلیازکوو کے خلاف تحریک عدم اعتماد پر ووٹنگ ہونا تھی لیکن وزیراعظم روزن زیلیازکوو اس سے قبل ہی مستعفی ہوگئے۔
بلغاریہ میں حکومت کی معاشی پالیسی اور کرپشن کے خلاف کئی ہفتوں سے احتجاج جاری تھا، حکومت کے مخالفین کا کہنا تھا کہ ٹیکس کے بوجھ میں اضافہ کر کے کرپشن کو چھپانےکی کوشش کی جا رہی ہے۔
بلغارین وزیراعظم کا کہنا تھا کہ مجھے یقین تھا کہ حکومت کے خلاف عدم اعتماد کی تحریک کامیاب نہیں گی لیکن حکومت کا وجود عوامی اعتماد سے ہے اور جب عوام سڑکوں پر نکل آئیں تو ان کی آواز سننا سب سے پہلے ہماری ذمہ داری ہے۔
