پنجاب حکومت کا پتنگ بازی کی ممانعت کے آرڈیننس میں ترامیم کا فیصلہ
لاہور: (دنیانیوز) پنجاب میں پتنگ بازی کی روک تھام کیلئے حکومت نے پتنگ بازی کی ممانعت کے آرڈیننس 2001 میں ترامیم کرنے کا فیصلہ کرلیا۔
محکمہ قانون پنجاب نے سٹینڈنگ کمیٹی برائے قانون کی مشاورت سے مسودہ وزیراعلیٰ آفس کو بھجوا دیا۔
ذرائع کے مطابق ترمیمی آرڈیننس میں پتنگ سازوں کیلئے 6 ماہ سے 3سال تک قید اور پانچ لاکھ روپےتک جرمانہ تجویز کیا گیا ہے، آرڈیننس میں بچوں کے لیے جرمانہ ہوگا جبکہ بچوں کے والدین کو بھی سزائیں دینے کی سفارش کی گئی ہے۔
صوبائی وزیر قانون صہیب احمد بھرتھ کا کہنا ہے کہ آرڈیننس میں ترامیم کا مقصد سزا کے حقیقی مستحقین کے گرد گھیرا تنگ کرنا ہے۔
