محمود اچکزئی اور ناصرعباس ہمارے اپوزیشن لیڈر، نوٹیفکیشن کی پرواہ نہیں: بیرسٹر گوہر
اسلام :(دنیا نیوز) محمود اچکزئی اور ناصرعباس ہمارے اپوزیشن لیڈر ہیں چاہیے نوٹیفکیشن ہو یا نہ ہوا۔
تحریک تحفظ آئین پاکستان کی جانب سے قومی کانفرنس کی گئی جس سے خطاب کرتے ہوئے بیرسٹر گوہر علی خان کا کہناتھا کہ اس وقت عمر ایوب کی کمی محسوس ہو رہی ہے، 26ویں ترمیم سے پہلےبھی عدلیہ سے خوش نہیں تھے،آج بھی نہیں ہیں۔
اُنہوں نے کہا کہ اس وقت مقبول قائد صرف بانی پی ٹی آئی ہے، ہم سے سیٹیں چھین لی گئیں، ہری پور کی نشست بھی چھین لی، عوام آج بھی تحریک چلانے کو تیار ہے ، حکومت کیلئےلوگ نہیں آئیں گے،اپوزیشن بلائے تو ضرور آئیں گے، عمرایوب کو 50 سال،شبلی فرازکو 40 سال قید کی سزا ہوگئی۔
رہنما تحریک انصاف کا مزید کہنا تھا کہ نوٹیفیکیشن ہو نہ ہومحمود اچکزئی اور ناصرعباس ہمارے اپوزیشن لیڈر ہیں، اپوزیشن لیڈرز نے ڈائیلاگ کرنا ہے یا احتجاج،ہم ان کے ساتھ ہیں، اس وقت 175 سیاسی جماعتیں ہیں ،14 پارٹیاں پارلیمنٹ میں ہیں ، اپوزیشن لیڈرکے معاملے میں ہم مولانا فضل الرحمان کو بھی سننے کو تیار ہیں۔
