اسلام آباد میں نومولود بچوں کی ہلاکت انسانی تاریخ کا بدترین سانحہ ہے: بلاول بھٹو
اسلام آباد:(دنیا نیوز چیئرمین پاکستان پیپلزپارٹی بلاول بھٹو زرداری نے کہا ہے کہ اسلام آباد میں 14 نومولود بچوں کی ہلاکت انسانی تاریخ کا بدترین سانحہ ہے۔
سماجی رابطے کی ویب سائٹس’ ایکس‘ پر جاری بیان میں بلاول بھٹو نے کہا کہ مائیں اپنے بچوں کو نو ماہ اس لیے اپنی کوکھ میں نہیں رکھتیں کہ کسی کی غفلت کے نتیجے میں وہ دنیا میں آتے ہی زندہ جل جائیں۔
انہوں ںے کہا کہ وفاقی دارالحکومت کے ایک ہسپتال میں 14 نومولود بچوں کے جاں بحق ہونے کے واقعے پر شدید افسوس اور تشویش کا اظہار کیا ہے۔
— Bilawal Bhutto Zardari (@BBhuttoZardari) August 26, 2026
چیئرمین پاکستان پیپلزپارٹی کا کہنا تھا کہ ان معصوم بچوں کے لیے امیدوں کے چراغ روشن ہوتے ہی بجھا دیے گئے۔
بلاول بھٹو زرداری نے مزید کہا کہ بچوں کے بے بس باپ انصاف مانگ رہے ہیں، لہٰذا واقعے کی ذمہ داری کا تعین کرکے متاثرہ خاندانوں کو انصاف فراہم کیا جانا چاہیے۔
Comments / رائے دیں
Share your thoughts. Comments are reviewed before they appear publicly.
Approved Comments