بھارت:ممبئی حملے کے ملزم تہور رانا کا 18 روزہ جسمانی ریمانڈ منظور
نئی دہلی (آئی این پی)بھارت میں ممبئی حملے کے ملزم تہور حسین رانا کا 18 روزہ جسمانی ریمانڈ منظور کر لیا گیا۔تہور رانا کو نیشنل انویسٹی گیشن ایجنسی کی خصوصی عدالت میں پیش کیا گیا۔
این آئی اے نے تہور پر 2008 کے ممبئی حملوں کی منصوبہ بندی، مجرمانہ سازش ، حکومت کے خلاف جنگ چھیڑنے اور دہشت گردی کے الزامات لگائے ہیں۔ واضح رہے 2008 میں ہونے والے ممبئی حملے میں 166 افراد ہلاک ہو گئے تھے ۔ ملزم تہور حسین کو دو روز قبل خصوصی پرواز سے امریکا سے بھارت لایا گیا تھا۔
روزنامہ دنیا ایپ انسٹال کریں
