250ویگنوں‘رکشوں سے غیر قانونی سلنڈرز اتا ر دئیے گئے
گوجرانوالہ (نیوز رپورٹر)چیف سیکرٹری پنجاب زاہد اختر زمان اور ڈپٹی کمشنر گوجرانوالہ نوید احمد کی ہدایت کی روشنی میں سیکرٹری آر ٹی اے غلام مصطفی نے ضلع بھر میں غیرقانونی اورناقص گیس سلنڈر استعمال کرنیوالی۔۔۔
ویگن اور رکشہ ڈرائیورز کیخلاف کریک ڈائون میں 250سے زائدگاڑیوں کے سلنڈر اتار کر بحق سرکار ضبط کر لئے ۔ گزشتہ 3دنوں میں ویگنوں کے حوالے سے اطلاع موصول ہورہی تھی کہ ان میں ناقص سلنڈروں کے استعمال سے کسی بھی وقت بڑا حادثہ پیش آسکتا ہے جس پر ڈپٹی کمشنرنے سیکرٹری آرٹی اے غلام مصطفی کو ہدایت کرتے ہوئے کہا کہ ان گاڑیوں کیخلاف کریک ڈائون کیاجائے جن گاڑیوں کا ناقص اورمنظورشدہ سلنڈر نہ ہو ان کیخلاف کریک ڈائون کیا جائے جس پر سیکرٹری آرٹی اے غلام مصطفی نے کارروائی کرتے ہوئے 250ویگن و رکشہ سے غیر قانونی سلنڈرز اتروا د ئیے اوران کے چالان بھی کئے ، اس کے علاوہ رکشہ باڈی بنانے والی 2ورکشاپس بھی سیل کر دی گئیں۔
