آسٹریلیا کیخلاف ٹی 20 سیریز: قومی کھلاڑی آج کراچی میں رپورٹ کریں گے
لاہور: (دنیا نیوز) آسٹریلیا کیخلاف ٹی 20 سیریز کیلئے قومی سکواڈ کے 6 کھلاڑی آج کراچی میں رپورٹ کریں گے۔
ٹی 20 سکواڈ کے 6 ارکان 2 سے 6 نومبر تک کیمپ میں حصہ لیں گے، جہانداد خان، محمد عباس آفریدی، عمیر بن یوسف، صاحبزادہ فرحان، سفیان مقیم اور عثمان خان کیمپ کا حصہ ہوں گے، کوچ سعید بن ناصر پانچ روزہ کیمپ کی نگرانی کریں گے۔
میزبان آسٹریلیا اور پاکستان کے درمیان 3 ٹی 20 میچز کی سیریز 14 سے 18 نومبر تک کھیلی جائے گی، کیمپ کے اختتام پر کھلاڑی گھروں کو روانہ ہوں گے اور آسٹریلیا کی فلائٹ 10 نومبر کو شیڈول ہے۔
