دھند اور خراب موسم کے باعث متعدد ٹرینیں تاخیر کا شکار
لاہور: (دنیا نیوز) میدانی علاقوں میں شدید دھند کے باعث ٹرینوں کا شیڈول شدید متاثر ہوگیا، کراچی اور کوئٹہ سے آنے اور جانیوالی والی ٹرینیں گھنٹوں تاخیر کا شکار ہو گئی۔
ریلویز ذرائع کے مطابق قراقرم ایکسپریس 3گھنٹے 30 منٹس ، کراچی سے برآستہ فیصل آباد لالہ موسیٰ جانے والی ملت ایکسپریس پانچ گھنٹے 30 منٹس، تیزگام چار گھنٹے کی تاخیر سے روانہ ہوئی۔
اسلام آباد سے کراچی جانیوالی گرین لائن تین گھنٹے، خیبر میل ایک گھنٹے 15 منٹس ، سکھر ایکسپریس دو گھنٹے تاخیر کا شکار ہوئی جبکہ بقایا تمام ریل گاڑیاں اپنے مقررہ وقت پر روانہ ہوگئی۔
