ویمنز ورلڈ کپ: پاکستان کا انگلینڈ کیخلاف ٹاس جیت کر فیلڈنگ کا فیصلہ
کولمبو: (دنیا نیوز) آئی سی سی ویمنز کرکٹ ورلڈ کپ کے 16 ویں میچ میں پاکستان نے انگلینڈ کیخلاف ٹاس جیت کر فیلڈنگ کا فیصلہ کیا ہے۔
گزشتہ روز کولمبو میں پاکستان ویمنز ٹیم کا ٹریننگ سیشن ہوا، خواتین کھلاڑیوں نے بھرپور پریکٹس کی، بیٹنگ اور بولنگ کی مشقیں کیں، بارش کے باعث فیلڈنگ سیشن منسوخ کرنا پڑا۔
واضح رہے کہ آئی سی سی ویمنز ورلڈ کپ میں سری لنکا اور نیوزی لینڈ کا میچ بارش کے باعث ختم کر دیا گیا تھا۔
کولمبو میں کھیلے گئے میچ میں سری لنکا ویمنز نے پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 258 رنز بنائے تھے اور نیوزی لینڈ کو جیت کے لئے 259 رنز کا ہدف دیا تھا۔
دوسری اننگز بارش کے باعث شروع نہ ہوسکی اور دونوں ٹیموں کو ایک، ایک پوائنٹ دے دیا گیا، گزشتہ روز کھیلے گئے میچ میں جنوبی افریقا نے بنگلادیش کو دلچسپ مقابلے کے بعد تین وکٹ سے شکست دی تھی۔
