وزیراعلیٰ پنجاب کی عابد شیر علی کو سینیٹر منتخب ہونے پر مبارکباد
لاہور: (دنیا نیوز) وزیر اعلیٰ پنجاب مریم نواز شریف نے عابد شیر علی کو بلامقابلہ سینیٹر منتخب ہونے پر مبارکباد پیش کی اور ان کیلئے نیک خواہشات کا اظہار کیا۔
مریم نواز شریف نے اپنے بیان میں کہا ہے کہ عابد شیر علی کا بلامقابلہ سینیٹر منتخب ہونا قابل تحسین امر ہے۔
انہوں نے مزید کہا ہے کہ پاکستان مسلم لیگ (ن) کی کارکردگی ہر دور میں مثالی رہی اور ہمیشہ رہے گی، اس کی قیادت کی ترجیحات صرف اور صرف عوام کی خدمت اور مسائل کا حل ہیں۔
