جعلی پاکستانی کرنسی بنانے میں ملوث ملزم گرفتار
لاہور: (دنیا نیوز) ایف آئی اے لاہور کی بڑی کارروائی، جعلی پاکستانی کرنسی بنانے میں ملوث ملزم گرفتار کر لیا گیا۔
ایف آئی اے ترجمان کے مطابق گرفتار ملزم کی شناخت ولید ہاشمی کے نام سے ہوئی ہے، ملزم کو چھاپہ مار کارروائی میں بحریہ ٹاؤن لاہور سے گرفتار کیا گیا۔
ملزم کو جعلی کرنسی بناتے ہوئے رنگے ہاتھوں گرفتار کیا گیا، ملزم کے قبضے سے کرنسی نوٹ بنانے میں استعمال ہونے والا میٹریل قبضے میں لے لیا گیا۔
ترجمان ایف آئی اے کے مطابق ملزم کے قبضے سے مختلف اقسام کے کیمیکلز، پیپرز اور ڈیجیٹل ڈیوائسز بھی برآمد کر لی گئیں، ملزم کو گرفتار کر کے تفتیش کا آغاز کر دیا گیا ہے۔
