ملک کے بیشتر علاقوں میں بارش اور برفباری کا امکان
اسلام آباد: (دنیا نیوز) محکمہ موسمیات کے مطابق جمعرات کے روز شمالی، مغربی بلوچستان، بالائی خیبرپختونخوا، گلگت بلتستان، کشمیر اور ملحقہ پہاڑی علاقوں میں بارش اور برفباری کا امکان ہے۔
شام، رات کے دوران بالائی خیبر پختونخوا میں چند مقامات پر درمیانی سے شدید بارش، برفباری متوقع ہے، پنجاب کے زیادہ ترمیدانی علاقوں اور بالائی سندھ میں صبح اور رات کے اوقات میں درمیانی سے شدید دُھند چھائے رہنے کی توقع ہے۔
رپورٹ کے مطابق آج ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا، تاہم شمالی بلوچستان میں چند مقامات پر ہلکی بارش ، بونداباندی ہوئی، پنجاب کے بیشتر اضلاع اور بالائی سندھ میں درمیانی سے شدید دُھند چھائی رہی۔
آج کم سے کم درجہ حرارت سکردو، گوپس میں منفی 9، لہہ منفی 8، گلگت منفی 6، استور منفی 5، ہنزہ اور چترال میں منفی 4 ڈگری سینٹی گریڈ ریکارڈ کیا گیا۔
