کئی پراجیکٹس سے آخری لمحات میں نکالا گیا:احسن افضل
لاہور(شوبزڈیسک)معروف اداکار جوڑی ریمبو اور صاحبہ کے بیٹے اداکار احسن افضل خان نے انکشاف کیا ہے کہ مجھے کئی پراجیکٹس کے لیے کاسٹ کرنے کے بعد آخری لمحات میں نکال دیا گیا اور۔۔۔
کچھ پراجیکٹس میں شوٹنگ کے دوران مجھے دوسرے اداکاروں سے کم تر محسوس کروایا گیا، ایک ویب شو میں اُنہوں نے بتایا کہ مجھے اب ایک بات تو سمجھ آ گئی ہے کہ اگر آپ فلمی گھرانے سے تعلق رکھتے ہیں تو شوبز انڈسٹری میں لوگ آپ کی محنت کو تسلیم نہیں کرینگے اور نہ ہی اس کا احترام کرینگے کیونکہ اُنہیں لگتا ہے کہ ہمیں ہر چیز پلیٹ میں رکھ کر پیش کی جاتی ہے حالانکہ ایسا بالکل بھی نہیں ہے ۔ میرے لیے یہ بات بہت افسوس ناک ہے لیکن میں نے اب اس بات کو تسلیم کر لیا ہے کہ میری محنت کی کبھی عزت نہیں کی جائے گی۔ مجھے تو سیٹ پر فائیو سٹار کھانا بھی نہیں چاہیے بلکہ میں صرف یہ چاہتا ہوں کہ مجھے کام کرنے کے لیے برابری کے مواقع فراہم کیے جائیں۔
