پہلاٹی 20 :آسٹریلیا ویمنز نے نیوزی لینڈ ویمنز کو ہرا دیا
آکلینڈ (سپورٹس ڈیسک )بیتھ مونی کی ناقابل شکست نصف سنچری کی بدولت آسٹریلیا کی خواتین ٹیم نے نیوزی لینڈ ویمنز کو پہلے ٹی 20 میچ میں 8 وکٹوں سے ہرا کر تین میچوں کی سیریز میں0-1 سے برابر حاصل کرلی ۔
مہمان آسٹریلین ویمنز ٹیم نے 138رنز کا مطلوبہ ہدف 13.3 اوورز میں 2 وکٹوں پر حاصل کرلیا۔ ایڈن پارک ، آکلینڈ میں کھیلے گئے میچ میں میزبان نیوزی لینڈ ویمنز ٹیم نے پہلے بیٹنگ کرتے ہوئے مقررہ 20 اوورز میں 2 وکٹوں پر 137 رنز بنا کر مہمان آسٹریلوی ویمنز ٹیم کو میچ میں کامیابی کے لئے 138 رنز کا ہدف دیا۔ایمیلیا کر نے ناقابل شکست 51،اور سوفی ڈیوائن نے ناقابل شکست 39 رنز سکور کئے ۔ جواب میں اوپننگ بیٹر بیتھ مونی کی ناقابل شکست 75 رنز کی دلکش اننگز کی بدولت آسٹریلیا کی خواتین ٹیم نے 138رنز کا مطلوبہ ہدف 13 ویں اوور کی تیسری گیند پر دو وکٹوں پر حاصل کرلیا۔بیتھ مونی ناقابل شکست 75 ،جارجیا وال 50 رنز کے ساتھ نمایاں رہیں۔ آسٹریلیا ویمنز کی بیتھ مونی کو میچ کی بہترین کھلاڑی قرار دیا گیا۔دونوں ٹیموں کے درمیان دوسرامیچ کل بے اوول، مانٹ مونگانوئی میں کھیلا جائے گا۔
