رمضان ٹی 20کپ کا فائنل سپارٹنز کے نام، پی ایچ اے کو شکست
راولپنڈی(سپورٹس رپورٹر )رمضان ٹی 20 کپ کے فائنل میں سپارٹنز نے پی ایچ اے کو 85 رنز سے شکست دے کر ٹائٹل اپنے نام کر لیا۔
پوٹھوار کرکٹ گراؤنڈ میں کھیلے گئے فائنل میچ میں سپارٹنز نے پہلے بیٹنگ کرتے ہوئے مقررہ 20 اوورز میں 191 رنز بنائے ، پی ایچ اے کی ٹیم مطلوبہ ہدف حاصل کرنے میں ناکام رہی اور پوری ٹیم 106 رنز بنا کر آٹ ہو گئی۔اختتامی تقریب میں ڈائریکٹر ایڈمن اینڈ فنانس (پی ایچ اے ) حسنین، ڈائریکٹر پی ایچ اے شیخ طارق محمود، سابق کرکٹر مسعود انور و دیگر نے شرکت کی۔ میچ کے اختتام پر شاندار آتشبازی کا مظاہرہ کیا گیا اور آخر میں فاتح ٹیم کو ٹرافی اور تین لاکھ روپے جبکہ رنر اپ ٹیم کو ٹرافی اور ڈیڑھ لاکھ روپے انعام دیا گیا۔
روزنامہ دنیا ایپ انسٹال کریں
