بجلی سستی کرنے کا حکومتی اعلان عوام دوستی کا ثبوت:بیرسٹر عمربجلی سستی کرنے کا حکومتی اعلان عوام دوستی کا ثبوت:بیرسٹر عمر
فیصل آباد(سٹی رپورٹر)مسلم لیگ ن کے رہنما بیرسٹرعمراحمدمنے خان نے کہاہے وزیراعظم شہباز شریف نے بجلی کی قیمت میں بڑاریلیف دے کر نواز شریف کے ویژن کی تقلید اور عوام سے دوستی کا ثبوت دیا۔۔۔
اس سے انڈسٹری کی پیداواری لاگت میں کمی اور باالخصوص غریب عوام کے بلوں میں ہزاروں روپے کی کمی ہوگی، احساس محرومی کے شکارلوگ اب خوشحال ہوں گے ۔اپنے جاری بیان میں انہوں نے مزید کہا 7روپے 41 پیسے فی یونٹ کمی کے بعد سہ ماہی ایڈجسٹمنٹ میں الگ کمی کی گئی ہے جبکہ دیگر اقدامات کے نتیجے میں کم از کم 5روپے فی یونٹ مزیدکمی ہوسکتی ہے ۔انہوں نے کہاکہ وزیراعظم شہباز شریف اوروزیراعلی پنجاب مریم نواز عوامی مشکلات کم کرنے کے لیے متحرک ہیں ،وزیر اعلیٰ نے پرائیویٹ سیکٹر میں کم اجرت دینے کابھی سخت نوٹس لیتے ہوئے صوبائی وزیر لیبرکواجرت کے فیصلوں پر عملدرآمد کرانے کی ہدایت کی ہے ۔چھوٹے اداروں کے ورکرزکو لیبرڈیپارٹمنٹ میں رجسٹریشن کرانے کے بعد گرانٹس اور دیگر مالی فوائد ملیں گے ۔انہوں نے کہا کہ ملکی ترقی اورعوامی مشکلات کم کرنے کے لیے مسلم لیگ ن کی قیادت ہی ہمیشہ متحرک رہی ہے ،نئے پاکستان کے دعویداروں نے پونے چارسال عوام کوکھجل وخوارہی کیاہے ۔
