سیف الدین ایڈووکیٹ کا ڈی جی ایس بی سی اے کوخط
کراچی (اسٹاف رپورٹر)اپوزیشن لیڈر کے ایم سی سیف الدین ایڈووکیٹ نے سندھ بلڈنگ کنٹرول اتھارٹی (ایس بی سی اے )کے ڈائریکٹرجنرل کو خط ارسال کیا ہے۔۔
اور شہر میں کھربوں روپے کی غیر قانونی تعمیرات پر شدید تحفظات کااظہار کیا ہے ۔سیف الدین ایڈوکیٹ نے اپنے خط میں کہا ہے کہ اس طرح کی اندھا دھند غیر قانونی تعمیرات کراچی کے لئے تباہی کا پیغام ہے ، شہریوں کے لیے شدید مشکلات و پریشانیوں کا باعث بن رہی ہیں، غیر قانونی تعمیرات ایس بی سی اے افسران و اہلکاروں اور لینڈ مافیا کی ملی بھگت کی جارہی ہیں اور ان میں غیر قانونی تعمیرات میں کھربوں روپے کا کالا دھن لگ رہاہے جس کا نہ کوئی ریکارڈ ہے نہ ٹیکس۔سیف الدین ایڈووکیٹ نے ڈی جی ایس بی سی اے سے مطالبہ کیا ہے کہ غیر قانونی تعمیرات کو روکا جائے۔
روزنامہ دنیا ایپ انسٹال کریں
